Biznesmeni i hidrokarbureve nga Lezha, Ndue Pjetrushi, ka folur publikisht në lidhje me djegien e makinës së tij. Ai thekson se nuk ka konflikte me asnjë person, ndërsa kërkon nga Policia dhe grupi hetimor të zbardhin ngjarjen.
Pjetrushi nuk e përjashton mundësinë për zjarrvënie të qëllimtë, por thotë se ky pretendim duhet konfirmuar nga organet kompetente.
“Kam dëgjuar një shpërthim dhe kam parë makinën duke u djegur. Nuk kam asnjë konflikt me asnjë, të gjithë që më njohin e dinë se nuk jam i problemeve. Bëj transport hidrokarbureve Shqipëri-Kosovë. Shteti bën punën e vet. Mund të jetë edhe zjarrvënie e qëllimtë, por mund të këtë marrë zjarr edhe vetë. Atë mund ta nxjerrin vetë hetimet unë nuk jam specialist”, tha ai.
Makina tip “Benz” në pronësi të biznesmenit ishte e parkuar anës rrugës, ndërsa ngjarja është shënuar në orën 04:00 të mëngjesit.
COMMENTS