Vaji, mielli dhe cigarja tani kushtojnë më shtrenjtë

102 milionë dollarë nga taksapaguesit shqiptarë, për të larguarit padrejtësisht nga puna, dyfishi i ndihmës vjetore që qeveria ka akorduar për të varfërit.
Raporti nga Qendra Ekonomike-Sociale / 79 % e të rinjëve ikin nga Shqipëria; Mungesa e perspektivës dhe mundësive
Studim: “Falimentimi i shoqërive të sigurimit dhe konsumatori”

2021 është viti ku të gjithë po presim një dritë shpresë për më mirë, pas një sfide që ende po e kalojmë me vështirësi të mëdha, por që në ditët e para të tij ky vit na sjell një rritje të çmimeve, sidomos të cigareve, miellit dhe vajit në pikat e pakicës në vend.

Kështu, çmimet e paketave të cigareve u shtrenjtuan me 10 lekë si rrjedhojë e rritjes së akcizës nga 1 janari me 5 lekë, ndërsa çmimi mesatar për paketë shkoi në 260 lekë ose 4 % më shumë se më 2020.

Tregtarët e pakicës raportuan se çmimi i vajit vegjetal për gatim është rritur me 20 lekë për litër ose 12.5%. Një kilogram kushton aktualisht 180 nga 160 lekë që ishte më parë. Çmimi i miellit u rrit me 6 % ose 300 lekë për kuintal. Tani 100 kilogram miell kushtojnë 5,300 lekë nga 5,000 lekë dhe më pak që ishin përgjatë 2020.

canola vegetable oil 1555955055.jpg crop1.00xw 0.756xh00

                         Foto ilustruese

Por, cila është arsyeja e rritjes së këtyre çmimeve që në fillim të vitit?
Importuesit treguan se pandemia solli një problematikë të shumëfishtë në sektorët e prodhimit kudo në Evropë. Rusia, një nga prodhuesit më të mëdhenj në botë të grurit kufizoi eksportet për të krijuar rezerva të brendshme nga frika e pandemisë. Ky veprim rriti çmimet e grurit në tregjet ndërkombëtare. Rusia dhe Serbia janë furnizuesit kryesor të grurit në vendin tonë.

Nga ana tjetër, grosistët e vajit dhe grurit u përballen me çmime më të larta qe në furnizimet e vitit 2020, por ato transferuan një pjesë të rritjes së çmimit për vitin e ri financiar 2021. Ndërsa për cigaret rritja e çmimeve buron nga masat që qeveria mori që vitin 2017, duke miratuar një kalendar për rritjen e akcizës vit pas vit deri më 2021. Sipas këtij kalendari akciza në vitin 2021 arriti në 6500 lekë për 1000 copë cigare nga 6250 lekë që ishte vitin e kaluar. Rritja e akcizës për cigaret është një nga politikat e përdorura për frenimin dhe uljen e konsumit të cigareve nga popullata si produkt me efekte negative në shëndet duke rritur çmimin e shitjes së tyre.

Mirëpo në rastin e Shqipërisë rritja e akcizës shoqërohet me rritje të kontrabandës, siç edhe ka ndodhur që kur kjo politike e taksave me rritje ka nisur të aplikohet. Ministria e Financave ka sqaruar se me qëllim përafrimin e mëtejshëm me Direktivën e BE 2011/64, e cila përcakton nivelin minimal të akcizës për cigaret të paktën 90 euro për 1000 cigare, riskedulimi i rritjes siguron një politikë të qëndrueshme taksimi sipas standardeve të BE-së.
Ndërsa artikujt e mallrave të tjera të shportës ushqimore po shiten më të njëjtat çmime si më 2021. Oferta më e lartë me prodhime vendi i ka mbajtur çmimet stabël për këtë sezon, teksa kërkesa ka pësuar rënie.

Përshtatur nga Informi.Al / Burimi: Monitor.Al

COMMENTS

WORDPRESS: 0