Prishtinë – Ka nisur gjykimi në lidhje me rastin e Indira Mujaj e cila po kërkon nga Gjykata Themelore në Prishtinë, Departamenti për Çështje Administrative, anullimin e vendimit të Këshillit të Pavarur Mbikëqyrës për Shërbyes Civil të Kosovës (KPMSHCK) dhe kthimin në vendin e saj të punës, pas largimit në mënyrë të kundërligjshme. Mujajt i ishte shqiptuar masë disiplinore, ndërprerja e marrëdhënies së punës, pasi që kjo e fundit ishte paraqitur në vendin e saj të punës me shami në kokë, raporton “Betimi për Drejtësi”.
Indira Mujaj, ish-policja kosovare
Përfaqësuesi i paditëses, avokati Muhamet Mujaj deklaroi se paditësja kishte njoftuar zingjirin e saj komandues se do të vendosë mbulesën dhe nuk ka parë ndonjë pengesë pas shumë konsultave me legjislacionin.
“Paditësja paraprakisht ishte konsultuar me legjislacionin dhe me jetën reale, duke parë që me shami punohet edhe në Kuvendet e Kosovës, profesoreshë, mësuese, mjeke, infermiere por edhe në institucione të tjera. Të gjitha aktet administrative të konstatuara si nga shkalla e parë si nga shkalla e dytë përbëjnë shkelje të ligje materiale dhe nuk janë nxjerr në pajtim me LPK i cili parasheh ligjshmërinë dhe mosdiskriminimin”, bën me dije avokati.
Sipas avokatit këto akte administrative janë në kundërshtim me një mori ligjesh, duke filluar nga Ligji për mos diskriminim, ligji për liritë fetare, rregulloren e Qeverisë, e më pas edhe vet Kushtetutën e cila garanton liritë dhe të drejtat e njeriut, e sidomos liritë e besimit dhe të gjitha konventat ndërkombëtare të cilat kanë të bëjnë me lirinë e besimit e që në legjislacionin tonë janë drejtpërdrejtë të implementuara kanë përparësi.
“Kërkojmë nga kjo gjykatë të zbatoj parimin e ligjshmërisë dhe të vendos në pajtim me Kushtetutën dhe ligjet që garantojnë liritë dhe të drejtat e njeriut”, tha avokati.
Avokatja Nora Hyseinovic Veliu shkruan se shteti nuk guxon t’ia kufizojë asnjë qytetareje lirinë për manifestimin e Fesë, kur një kufizim i tillë nuk është i parashikuar me ligj, kjo sipas Kushtetutës përkatësisht nenit 38.4.
Nora Huseinovic Veliu, avokate
“Rikujtojmë se Ligji 03/L-149 për Shërbimin Civil nuk e përmban asnjë dispozitë të vetme për ndalimin e mbulesës (shamisë së kokës), si formë të veshjes të shërbyesve civil. Rregullorja është akt nënligjorë! Rregullorja nuk është LIGJ!
Prandaj, çështja “Indira k. KPMShCK” shpërfaq arbitraritetin e ekzekutivit në ushtrimin e pushtetit shtetëror. Pushteti ekzekutiv në këtë çeshtje, ka arritur të kufizojë Lirinë e Indirës për manifestimin e fesë, ekskluzivisht duke u bazuar në dispozitën e një akti nënligjor dhe jo në LIGJ.”
“Presim që Gjykata Themelore në Prishtinë, tani kurpër herë të dytë po e trajton rastin e njejtë, të marrëvendim MERITOR lidhur me kërkesën e Indirës. Kthimi i sërishëm i lëndës së Indirës në rivendosje tekorgani administrativ, do të ishte i padrejtë dhe i papranueshëm. Vendimet jomeritore të gjykatave me të cilat ato e kthejnë në rivendosje çeshtjen tek organi administrativ e kanë shëndërruar procedurën e konfliktit administrativ në një mjet joefektiv juridik, në aspektin e mbrojtjes së të drejtave dhe lirive kushtetuese.
Pluralizmi dhe diversiteti fetar, etnik, kulturor dhe gjuhëve nuk janë kërcënim por burim pasurimi dhe vlera të shoqërisë demokratike.“ – shkruan avokatja në rrjetin e saj social “Facebook” për rastin në fjalë.
Diskriminimi fetar në Kosovë vazhdon të mbetet i përmasave shqetësuese, sidomos kur është fjala për femrat. Edhe në shkurt të vitit 2019 Kosovare Ramadani, 24-vjeçarja nga Shtimja, aplikoi për t’u bërë pjesë e FSK-së dhe pasi ajo kaloi testin fizik dhe të inteligjencës, në intervistën para panelit u vendos moslejimi për shkak të mbulesës.
“Në intervistë më është cekur çështja e mbulesës në fillim të testimit. Më është bërë e ditur se mbulesa do të jetë shkaku kryesor për mospranim, ku dhe pala intervistueee ka kërkuar nëse pranoj të bëj një marrëveshje me ta, që në rast të pranimit ta heq mbulesën. Unë nuk kam pranuar të heq, mbulesën, por kam pranuar se të gjitha kodet do t’i pranoj”- rrëfeu në atë kohë Ramadani.
Rezultatet e intervistës ishin publikuar pak ditë më vonë. Ajo kishte kaluar në testim fizik 90 përqind, por në intervistë ishte vlerësuar me zero pikë për shkak se nuk vlersohet talenti por diskriminohet për shkak të mbajtjes së shamisë.
COMMENTS