Tiranë/ Të shtëna armësh në lokal, një person i plagosur

Një ngjarje e rëndë ka ndodhur mbrëmjen e sotme në kryeqytet.
Është plagosur me armë zjarri një person. Dyshohet se ka qenë një konflikt i çastit i cili është agravuar deri në të shtëna armësh. I plagosuri i cili ende nuk është identifikuar nga policia, është dërguar menjëherë spital dhe personi që kreu plagosjen ka ikur në drejtim të paditur.
Ngjarja ka ndodhur në një lokal më rrugën “Tasim Shehu” ku familjarë e persona të tjerë të ndodhur pranë vendit të ngjarjes janë terrorizuar.
Policia ka ardhur në vendngjarje dhe po punon për të zbardhur se si ka ndodhur kjo ngjarje dhe për të identifikuar autorin e plagosjes.