Tiranë/Shtyhet gjyqi për protestuesit e rritjes së çmimit të naftës

Shtyhet seanca gjyqësore për çështjen e protestuesve të arrestuar në datën 10 mars të këtij viti, në protestën për rritjen e çmimit të naftës. Në seancën me dyer të mbyllura, e zhvilluar sot më datë 24 tetor 2022, pritej të vendosej mbyllja e çështjes ose kalimi i saj për rishqyrtim. Gjykatësja Ardiana Bera vendosi që për shkak të ngarkesës, të shtyhej për datë 16 nëntor, për shkak se duhet ende të njihet me aktet e administruara në fashikullin gjyqësor. Protestuesit janë përballur me akuzat për bllokim i qarkullim të mjeteve të transportit dhe prishje të qetësisë publike, dhe janë hetuar në gjendje të lirë. I vetmi i dyshuar që ka paraqitur ankim

Gjyljana Bakalli dhe avokati i saj Redon Meksi, të shoqëruar nga një tjetër protestues, Gentjan Tufa, pas seancës së sotme

është Gjyljana Bakalli, me profesion juriste, e cila ka paraqitur para gjykatës së shkallës së parë një varg argumentesh kundra akuzave të paraqitura.