Tensionet në Veri, reagon Xhaçka: Jemi me Kosovën! Autorët të nxirren para drejtësisë

Tensionet në Veri, reagon Xhaçka: Jemi me Kosovën! Autorët të nxirren para drejtësisë

Arrihet zgjidhje e përkohshme për Strehimin e familjeve Rome dhe Egjiptiane në Selitë
Cerrik/Spitali jashtë funksionit të tij,në një kohë që flitet për shëndetësi falas ata nuk marin as shërbimet më elementare.
Përgjigje negative nga partnerët për sulmin kibernetik

Ministrja për Evropën dhe punët e jashtme, Olta Xhaçka ka reaguar pas tensioneve në veri të Kosovës.

Ne një reagim në Facebook, Xhaçka shprehet nder të tjera se është një krizë e tejzgjatur në mënyrë artificiale dhe se ka ardhur koha për dialog.

“Po ndjekim me keqardhje minutë pas minute shfaqjen e një krize të tejzgjatur në mënyrë artificiale në veri të Kosovës dhe jemi thellësisht të shqetësuar nga përshkallezimi i tensioneve.

Barrikadat që janë ngritur në veri, jo prej ndonjë vale zemërimi popullor, por nga një grup kriminelësh famëkeq, nuk po pengojnë thjesht vijimin normal të jetës. Ato janë po ashtu skena që të kujtojnë ditët e errëta të viteve 1990 të cilat rajoni ynë i ka lënë pas njëherë e mirë bashkë me ish Jugosllavinë që shkoi e vate.

Për pak vjen viti 2023! Kjo nuk është koha për të bërë kërcënime ushtarake apo për sulme të papranueshme kundër Policisë së Kosovës, KFOR dhe Policisë së EULEX. Kjo është koha për dialog dhe bashkëpunim. Kjo përballje e rrezikshme duhet të marrë fund dhe autorët duhet të nxirren përpara drejtësisë.

Ne jemi me Kosovën në këtë situatë të vështirë dhe i bëjmë thirrje autoriteteve serbe të mos i justifikojnë as barrikatat e as grupet kriminale që refuzojnë t’i largojnë ato. Të luash me zjarrin është një ide shumë e keqe për të ardhmen e të gjithë fëmijëve tanë”, deklaron ajo.

COMMENTS

WORDPRESS: 0