Shoqërohet dhe lirohet shoferi, rimerret në pyetje shoqja, policia vazhdon hetimet intensive për çështjen e Joy Aokos, 22 vjeçarja ndërroi jetë pa mundur të

Shoqërohet dhe lirohet shoferi, rimerret në pyetje shoqja, policia vazhdon hetimet intensive për çështjen e Joy Aokos, 22 vjeçarja ndërroi jetë pa mundur të

Përfaqësues të ambasadës keniane takim në komisariatin nr.1/rasti i 22 vjeçares që u dhunua barbarisht
INVESTIGIM/22-vjeçarja e dhunuar keniane, pse u mbajt e fshehur ngjarja?
Vdes Joy Aoko, 22 vjeçarja e dhunuar në Tiranë

Nën presionin e autoriteteve keniane, opinionit publik në Shqipëri dhe protestave të shoqërisë civile, por sidomos të medias, tashmë duket se çështja e vrasjes së Joy Aokos po hetohet në mënyrë intensive. Në vetëm pak ditë, policia ka rimarrë në pyetje dëshmitarët dhe janë zbardhur detaje të reja nga hetimet e kryera.

Shoqërimi i shoferit Rodi Barçi është pika më e rëndësishme deri tani e hetimeve, pasi sipas deklaratave të nënës dhe shoqes së ngushtë të vajzës, ai ka kërkuar vazhdimisht prej saj të kthehen në lidhje së bashku, dhe ajo e ka refuzuar. Emili Mutua, shoqja e vajzës, hedh hije dyshimi të forta mbi këtë person, pasi ishte i vetmi që mund të kishte konflikt me viktimën e rrahur dhe të hedhur nga ballkoni i shtëpisë ku qëndronte.

Mamaja e të resë nga Kenia, Ruth Abongo, tha në një intervistë për mediat se 4 ditë para ngjarjes së rëndë ajo kishte udhëtuar me 32-vjeçarin Rodi Barci, në Durrës. Sipas nënës së vajzës, shoferi i kishte qëndruar shumë pranë, sjellje e cila s’i kishte pëlqyer të resë.

‘Atje shoferi nuk ishte treguar i mirë me të sepse shoferi kishte qëndruar shumë afër. Ishte shumë ekspresiv njësoj sikur të ishin në një marrëdhënie. Ajo e kishte pyetur ‘përse po sillesh kështu sepse unë nuk jam e dashura jote’. Ai kishte thënë se ‘unë po të mbroj’ dhe Xhoi i kishte thënë se’ kjo nuk është e drejtë, unë jam e rritur’ dhe e di që më parë ky shoferi i kishte kërkuar Xhoit të kishin marrëdhënie, por Xhoi kishte refuzuar dhe i kishte thënë jo.’

Ky shoferi nisi ta ndiqte nga pas për dy javë. Kur Xhoi e vuri re këtë u përball me të dhe i tha ‘Përse po më ndjek mua? E kam vënë re që po më ndjek. Do të të raportoj në kompani’. Më pas shoferi i tha ‘jo, mos u shqetëso. Mos më raporto. Thjesht po mendoja se përse po më refuzon ftesën për të dalë me mua. Po të ndiqja për të kuptuar se cilin po takon që të pengon të takohesh me mua’. Ata ranë dakord që të mos hyjnë në një lidhje, por të mbeten miq. Në bazën e miqësisë, Xhoi pranoi ftesën për të shkuar në Durrës të hënën.

Ata shkuan në Durrës dhe shoferi vazhdonte të shprehte ndjenjat e tij dhe Xhoi nuk e pëlqeu këtë. Xhoi u zemërua në Durrës dhe i kërkoi që të ktheheshin. Kur u kthyen ata u zunë dhe Xhoi e bllokoi atë. Ajo i tha mjaft dhe nuk dua më miqësi me ty sepse kjo është e tepërt. Kësaj here Xhoi po komunikonte me një shoqe në Kenia ku po i tregonte për mënyrën se si kishte vepruar shoferi dhe se ajo nuk po ndihej e sigurt. Që të jem e sinqertë, kur ata u kthyen në shtëpi nga Durrësi shoferi i saj u fut menjëherë në dhomën e saj të gjumit dhe hoqi rrobat. Xhoi i tha ‘çfarë po bën? Ti vazhdon akoma me këtë sjellje, mjaft’ dhe shoferi i thotë ‘me kë po flet në telefon që mendon se është i rëndësishëm’. Kjo bëri që Xhoi të zemërohej dhe ta bllokonte numrin e telefonit të shoferit”, rrëfeu detajet nëna e Joy-t.

Sipas nënës së vajzës shoferi kishte këmbëngulur që të kontaktonte sërish me Joyn dhe kishte folur me shoqen e 22-vjeçares, Joy Brenda, një ditë pasi ata kishin qenë në Durrës.

“Të martën, Xhoi Brenda (Shoqja e Xhoit) po shkonte për të punuar më duket dhe është me këtë shoferin në makinë. Ai i thotë Xhoi Brendas që shoqja jote më ka bllokuar në çdo aplikacion. Si mund ta kontaktoj atë? Dhe Xhoi Brenda i thotë ‘është mënyra jote ofensive. Në Kenia ne nuk i ndjekim vajzat në këtë mënyrë. Mënyra se si e ke trajtuar Xhoin nuk është e drejtë’. Ky është një konfirmim që shoferi u bllokua të hënën. Kështu, të mërkurën, të enjten ndërsa të premten ky shofer nuk ishte në punë, ishte pushim. Instinkti më thotë se… nuk e di… Ndoshta po flas shumë, por mendoj se ka më shumë pikëpyetje për shoferin. Ai është personi që kishte zemërim. Xhoi ishte shprehur se nuk ndihej e sigurt me këtë person”, rrëfeu nëna.

Mediat kanë arritur të sigurojnë foton e fundit të Joy-it nga kamerat e sigurisë, por nuk dihet se përse, nëse ka pamje të hyrjes së saj në banesë, nuk ka të personit që e ka dhunuar atë.

Ndërkohë policia shqiptare ka kërkuar edhe të dhënat mjeko-ligjore të autopsisë nga spitali ku ajo vdiq, paçka se nuk dihet si mund të ndihmojë kjo hetimet, konsideruar se vajza është dhunuar që në gusht të 2022.

COMMENTS

WORDPRESS: 0