Reagon Eriselda Sefa, ‘përgënjeshtroj lajmin për therjen e pulës, ndihma ekonomike do i kthehej në janar’

Reagon Eriselda Sefa, ‘përgënjeshtroj lajmin për therjen e pulës, ndihma ekonomike do i kthehej në janar’

Vdes në zyrat e bashkisë Lushnje. I kishin ndërprerë ndihmën ekonomike
Zvogëlohet fondi për ndihmën ekonomike, ka diskriminim shprehet avokati
Përmbarimi/ Sekuestro ndihmës ekonomike. Organizata është e paligjshme.

Pas ngjarjes së rëndë së vdekjes së Shpresa Canit në qytetin e Lushnjes, brenda ambienteve të kësaj bashkie, një lajm qarkulloi bujshëm në media se, kryetarja e bashkisë, kishte urdhëruar një veprim të çuditshëm për të larguar ‘tersin’. Të theret një pulë e zezë brenda, thuhet në këto lajme se kishte kërkuar ajo. Deri në momentin që shkruajmë, nuk gjehet asnjë provë materiale filmike se kjo është e vërtetë, asnjë dëshmitar dhe pritet të hetohet më tej. Kjo nuk ka mjaftuar për shumë media dhe portale për ta qarkulluar këtë lajm, si për ta kthyer në edhe më groteske ngjarjen e rëndë.
Reagimi i kryetares është bërë në faqen në facebook, ku ka sqaruar se zj.Cani nuk ishte përjashtuar nga ndihma ekonomike. Ajo po kërkonte një ndihmë shtesë për babain e saj. Në fakt, zj. Cani nuk përfitonte ndihmë ekonomike sepse sipas sistemit të pikëzimit, i takon vetëm një ndihmë, për invaliditet. Ky sistem i ri ka përjashtuar nga skema 3000 familje, sipas aktivistit Gentian Sejrani, dhe ka thelluar problemet ekonomike të këtyre personave. Reagimi i plotë:

Bashkia e Lushnjës përmes Kryetares se Bashkisë Eriselda Sefa nisur nga informacioni jo i verifikuar dhe abuziv i shpërndarë në media lidhur me ndarjen nga jeta të shtetases Shpresa Cani, 48 vjece, banuese në Çanakaj të Njësisë Fiershegan, dëshiron të sqarojë opinionin publik, duke i shprehur fillimisht ngushellimet më të sinqerta familjes Cani. Sa i përket ngjarjes, sqarojme se të mërkurën rreth orës 11:00 pranë Zyres së Informacionit është paraqitur shtetesja Shpresa Cani e cila kerkoi takim me Kryetaren e Bashkise Eriselda Sefa. Pak minuta më vonë Kryetarja e Bashkise priti në zyrë të interesuarën e cila ishte e përfshirëqë nga viti 2007 në kategorine PAK si Invalide e plote nga KMCAP me diagnoze Drepanocitoze Hemozigote (semundje gjaku), me pagese mujore 11 915 lekë. Shtetesja Shpresa Cani deklaroi që jetonte vetëm me babain dhe kërkoi nga Bashkia që përvec trajtimit me KEMP nga KMCAP, të gjendej një mundesi për ndihme shtesë për të dhe babain e saj edhe nga ky institucion. Pasi degjoi shqetësimin e Zonjës Cani, Kryebashkiakja Sefa therriti Drejtoreshen e Shërbimit Social pranë bashkisë Lushnje për të parë mundësinë e ndihmes shtesë nga buxheti bashkiak, përvec pagesës se invaliditetit. Pati një dakortësi që në janar të shihej mundësia për ta futur në skemat e ndihmës nga buxheti bashkiak, mirëpo në një moment Zonja Cani është ndjerë keq. Menjëherë është njoftuar ambulanca dhe shefi i Komisariatit Lushnjë, z.Edvin Ndreu. Ambulanca mbërriti brenda pak minutash në ambjentet e Bashkisë duke transportuar pacienten drejt Spitalit dhe pak caste më vonë mbërritën edhe efektivet e komisariatit Lushnjë. Bashkia e Lushnjës përmes Kryetares së Bashkisë përgenjeshtron dhe shpreh keqardhje për informacionet abusive të shpërndara në media lidhur me dinamiken e ngjarjes. Në ambjentet e bashkisë Lushnje dhe aq më pak në zyrën e kryebashkiakes, nuk ka pasur asnjë debat mes Zonjës Cani dhe përfaqësuesve të bashkisë, përkundrazi pati gatishmëri për të dhënë ndihme shtesë për të interesuaren. Sqarojmë gjithashtu që Zonja Cani është trajtuar me ndihma emergjente sipas programeve të miratuara nga këshilli Bashkiak. Sjellim në vëmendje të mediave dhe të opinionit publik se e ndjera Shpresa Cani nuk ka qënë e trajtuar me ndihme ekonomike (sikurse publikuan disa media) pasi ajo trajtohej me pension invaliditeti!  Përsa më siper lutemi që mediat të jene serioze dhe të mos abuzojnë me informacionin, aq më teper që përpara publikimit të lajmeve nuk ka pasur asnjë kontakt për të degjuar zyrtarisht reagimin e Bashkisë për këtë ngjarje! Faleminderit!

 

COMMENTS

WORDPRESS: 0