Ditën e djeshme studentët arritën një marrëveshje me rektorin Arben Gjata, i cili ju premtoi se orët e humbura në protestë do zëvëndësohen dhe studentët nuk do penalizohen për mungesat. Nga ana tjetër, ai ju dha një premtim i cili është vështirë të mbahet, pezullimi i zbatimit të ligjit deri në vendim të gjykatës kushtetuese.
20 tetor: studentët dërgojnë me 28 firma deputetësh ligjin që i detyron të qëndrojnë në Shqipëri pas studimeve në Kushtetuese
Pas takimit të djeshëm, përfaqësia e studentëve në protestë mori premtimin se do përpilohet një shkresë për të kërkuar pezullimin e zbatimit të ligjit deri në vendimin e Gjykatës Kushtetuese. Burime pranë rektoratit janë shprehur për mediat se po organizojnë një takim me Ministrinë e Arsimit, që të dakordësojnë këtë pezullim ose shtyrje deri në momentin e shprehjes së Kushtetueses. Deri tani nuk ka asnjë deklaratë nga ministrja Manastirlliu dhe as nga institucioni, dhe premtimi mbetet ende në dorë të rektorit Gjata.
COMMENTS