Po biem si mizat’: Histori tronditëse të vuajtjeve dhe vdekjeve, komuniteti rom lutet për ndihmë ndaj pandemisë në Hungari

BUDAPEST – Infeksionet nga koronavirusi po shkatërrojnë komunitetin prej reeth 700,000 të romëve në Hungari.

Të dhënat për infeksionet në komunitet janë të padisponueshme, por intervistat me rreth një duzinë romësh, të cilët shpesh jetojnë në kushte të ngushta dhe jo sanitare, zbulojnë histori tronditëse të vuajtjeve dhe vdekjeve dhe sfidave të mëdha të kujdesit shëndetësor.

“Njerëzit tanë po bien si mizat,”-tha Aladar Horvath, një avokat i të drejtave rome që udhëton gjerësisht në komunitet.

Kur u pyet në telefon për të përshkruar situatën e përgjithshme, ai filloi duke qarë dhe tha se kishte mësuar një orë më parë se nipi i tij 35-vjeçar kishte vdekur nga COVID.

Një grua tjetër, Zsanett Bito-Balogh, e krahasoi këtë situatë të rëndë me një shpërthim.

“Është sikur një bombë shpërtheu,”-tha ajo.

“Njerëzit që ju shihni duke hipur në biçikletat e tyre një javë janë në spital ditën tjetër ju porosisni lule për funeralet e tyre të tretën.”

Bito-Balogh, e cila vetë u shërua dy herë nga COVID-19, tha se në një moment ajo kishte 12 anëtarë të familjes në spital. Ajo tha se kishte humbur dy xhaxhallarët dhe gjyshen e saj nga virusi në muajin e kaluar, dhe një fqinj i humbi të dy prindërit, një kushëri dhe një xhaxha brenda disa javësh.

Ajo thotë se tani po nxiton të organizojë pikat e regjistrimit personal për vaksinat dhe planifikon të rrisë rrjetin dhe të funksionojë brenda disa javësh.

Megjithë sfidat për të bindur shumë romë që t’i drejtohen autoriteteve shëndetësore për kujdes mjekësor dhe vaksinime, udhëheqësit romë po i kërkojnë qeverisë të bëjë më shumë për të ndërhyrë dhe për të trajtuar atë që Horvath e përshkruan si një krizë humanitare.

Shefi i stafit të kryeministrit Viktor Orban, Gergely Gulyas, tha se vaksinat do të kryheshin tek romët, por që vaksinimet për ta janë planifikuar më vonë.

“Sapo të arrijmë në atë pikë, romët e rinj duhet të futen në rresht,” tha Gulyas në përgjigje të pyetjeve të Reuters. Komuniteti rom është kryesisht i ri, që do të thotë se vaksinimet e tyre janë planifikuar më vonë sesa për hungarezët e moshuar.

Kryedemiologu i qeverisë nuk iu përgjigj kërkesave për komente.

Burimi: Voice of America
Përktheu dhe përshtati: Informim.al