Pak muaj pas zgjedhjeve të Prill 2021 paditet Partia Socialiste për çështjen e patronazhistëve.
162 qytetarë të Qarkut të Tiranës, të përfaqësuar nga organizata “GUXO”, kanë paditur në SPAK Partinë Socialiste për çështjen e zotërimit të paligjshëm të të dhënave personale për qëllime politike gjatë fushatës zgjedhore, të njohur gjerësisht si “patronazhistët”.
Qytetarët e përfaqësuar nga kjo organizatë pretendojnë se mbledhja dhe përpunimi i të dhënave të qytetarëve është bërë në mënyrë të paligjshme. Depozitimi i padisë pritet të bëhet në orën 13:30 në SPAK..
Çështja e patronazhistëve u hulumtua dhe publikua nga Lapsi.al përpara zgjedhjeve të 25 Prillit. Sipas burimeve të Lapsi.al, që vunë në dispozicion gjithë informacionet e përpunuara të qytetarëve, PS kishte një database me të dhënat e mijëra qytetarëve, dhe preferencat e tyre partiake.
COMMENTS