Palermo -Tik Tok i merr jetën 10-të vjeçares Familjarët ja dhurojnë organet

Pjesëmarrja në lojën ‘Blackout Challenge’ i shkaktoi vdekjen një 10-të vjeçareje nga Palermo. Vajza, e cila mbërriti në dhomën e urgjencës në gjendje kritike, vdiq pasi kishte rënë në  koma të thellë. 

Rripi që ajo kishte shtrënguar rreth qafës për të marrë pjesë në “Blackout Challenge” në TikTok, një lojë absurde dhe e papranueshme i shtyn pjesëmarrësit të qëndrojnë pa frymë sa më shumë që të jetë e mundur për të fituar sfidën sociale. Antonella  kishte mbërritur në dhomën e urgjencës në kushte shumë të rënda: arrest kardiak për shkak të asfiksisë së zgjatur.

Prindërit e gjetën atë në tokë duke vdekur. Sipas verifikimeve të para të incidentit, vajza e vogël po luante një lojë absurde në modë në rrjetin social Tik Tok.

Çfarë është ‘The Challenge of Blackout’ ose ‘sfida e ndërprerjes’

Blackout Challenge është një provë e qëndresës e cila konsiston në filmimin ose fotografimin e vetvetes ndërsa shkakton të fikët. Me litarë, shalle ose çfarëdo që të gjeni. Në rastin e Antonellas nga Palermo ishte një rrip.

Prindërit e vajzës së vogël ndërhynë menjëherë dhe e transportuan atë në spitalin ‘Di Cristina’ në Palermo. Për fat të keq zemra e saj u ndal për disa minuta para se të fillonte të rrihte përsëri në sajë të manovrave të kryera në dhomën e urgjencës.

Diagnoza e mjekëve mbi vajzën nga Palermo ishte alarmante,  stafi drejtues i spitalit ka deklaruar “vdekjen e trurit” të vajzës. 

Prindërve të Antonellas  u është  kërkuar  të bien dakord për heqjen dhe dhurimin e organeve. Një vendim i dhimbshëm, por që familja ka pranuar, “në këtë mënyrë Antonella do të shpëtojë shumë fëmijë”, ka deklaruar për mediat italiane ditën e djeshme  babai i vajzës.

 “Ne zgjodhëm t’i themi po dhurimit sepse vajza jonë do të kishte thënë” po, bëje “. Ajo ishte një fëmijë bujar. Dhe meqë nuk mund ta kishim më me vete, e ndienim të drejtë të ndihmonim fëmijët e tjerë.” Pra, prindërit e 10-të vjeçares me  pëlqimin e  tyre për të dhuruar organet e vajzës, do të shpëtojnë katër fëmijë në rajone të tjera të Italisë. 

Mëlçia, e cila është e ndarë në gjysmë do të transplantohet për dy fëmijë, veshkat dhe pankreasi të cilat do të transplantohen në kombinim me një pjesë të mëlçisë. Zemra dhe mushkëritë nuk konsideroheshin të përshtatshme.