Nëna, heroinë e heshtur / Mbledh kanaçe për tu kujdesur për nipërit

Gratë heroina janë ato të padukshmet teksa sakrifikojnë çdo ditë për tu kujdesur për familjet e tyre.

62 vjeçarja Razie Ibrahimi nga Elbasani prej 15 vitesh  e siguron mbijetesën duke rrëmuar në kazanët e plehrave  ku mbledh mbetje te riciklueshme. Pas vekjes se bashkeshortit 4 vite më parë, i duhet të kujdeset e vetme për dy nipërit e saj të mitur.

Ndërkohë që 8-të Marsi  dita ndërkombëtare e grave , për Razien do të thotë asgjë. Thjesht një ditë e zakonshme pune.

“Mbijetoj  me kazanat e plehrave, të na rrojnë se pot ë mos ishin do kishim vdek. Asnjë dhuratë nuk kam marë, sepse njerëzit e mi kanë vdekur. Kam 6 vjet pa marë një dhuratë, sepse më parë më sillte burri gjithmonë. “- shprehet 62 vjeçarja për Best Channel.

(Shih videon e plotë këtu)

Ajo kujdeset për fëmijët e vajzës e cila ka nisur një jetë të re në Turqi, pas divorcit me burrin e saj dhe nuk kujdeset financiarisht për fëmijët  e saj.

‘Babai  e nëna e tyre kanë vdekur përderisa si sheh njeri e nuk pyesin për fëmijët.  Unë do kujdesem për to deri sa të jem gjallë.”- tregon 62 vjeçarja.

Razija  e cila ka një rutinë të përditshme duke punuar dhe kujdesur për fëmijët e vajzës së saj, për një pjesë mund të jetë e padukshme, por është shembulli  gruas së fortë.