Në 10 muaj, vetëm qeveria fitoi: 60 mld lekë më shumë nga rritja e çmimeve

Në 10 muaj, vetëm qeveria fitoi: 60 mld lekë më shumë nga rritja e çmimeve

Kosovë/ Nxënësit e komunitetit Rom dhe Egjiptian veçohen nga shokët e klasës gjatë festës së Abetares
‘Dhe yjet rrinë dhe vështrojnë…’/Ekspozita me temë sociale e piktorit Gazmend Leka
Protestë në Berat: Na kanë lënë pa bukë

Shtrenjtimi i karburanteve, produkteve dhe i shërbimeve i ka shërbyer qeverisë shqiptare për të mbushur arkën e saj. Është ky raporti më i fundit qe vjen nga Ministria e Financave e cila pohon se kriza ekonomike që ka përfshirë vendin në këto 10 muaj ka qenë fitim-prurëse vetëm për shtetin, pasi për qytetarët ende nuk është gjetur zgjidhja për të zbutur sadopak efektet e kësaj krize.

2021 01 23

Edhe pse xhepat e shqiptarëve sa vijnë e boshatisen dhe vendi zhytet gjithnjë e më shumë në varfëri, cuditërisht arka e shtetit është pasuruar në 10 muajt e fundit. Kjo si rezultat i shtrenjtimit të karburantit dhe çmimeve të larta të ushqimeve.

Ministria e Financave dhe Ekonomisë në raportin e fundit deklaroi se të ardhurat totale për 10 mujorin e këtij viti arritën në masën e 475 miliard lekëve.

Përballë këtij fakti, këto të ardhura kanë thyer dhe parashikimet më optimiste të financave, pasi krahasuar me një vit më parë të buxheti i shtetit është fryrë me 60.6 miliardë lekë më shumë.

Edhe pse qeveria ngriti një sërë bordesh për të mbrojtur shqiptarët nga Rritja e çmimeve, duket se vendimet e tyre i kanë shërbyer vetëm mbushjës së arkës së shtetit, pasi bordet në fjalë nuk arritën dot të frenonin ritmin në rritje të varfërisë, por edhe mbrojtjen e pensonistëve dhe shtresave në nevojë, si shtresat më të ekspozuara përballë kësaj krize, që nisi me pretekstin e asaj që po ndodh në Ukrainë.

Në mars dhe në shtator qeveria prezantoi dy paketa të rezistencës sociale për të përballuar krizën ekonomike. Paketa e parë arriti të shpërndante vetëm 3.3 përqind për pensionistët, në një kohë kur cmimet në vend minimalisht u dyfishuan.

Ndërsa në paketën e dytë edhe pse u shpërndanë më shumë fonde, sërish qeveria arriti të subvencionojë vetëm 6 përqind të pensioneve, ku sërish shtrenjtimi i produkteve dhe shërbimeve vijonte nga dita në ditë.

Duke iu referuar shifrave konkrete, paketa e rezistencës që u prezantua në mars të këtij viti i kushtoi 3.6 miliard lekë pensionistëve, ndërsa 1.3 miliard lekë u shpërnda për qytetarët të cilët përfituan 3000 lekë ndihmë për shkak të shtrenjtimit të produkteve të shportës.

Në paketën e rezistencës sociale, ndonëse qytetarë janë të prekur nga kriza e çmimeve, nuk u përcaktua fond si paketën e parë.

Referuar të dhënave nga Ministria e Financave dhe Ekonomisë, në një 10 mujor 475 miliard lekë të ardhura për pensionistët është caktuar shuma prek 5.6 mld lekësh e për qytetarët 1.3 mld, apo thënë më thjesht që qeveria shpërndau vetëm 9.3 për qind të të ardhurave për shqiptarët e prekur nga kriza.

COMMENTS

WORDPRESS: 0