Studimet tronditëse që tregojnë se mikroplastika është gjithandej, duke ndotur detet dhe qiejt e botës, dalin në përfundimin se një rol në përhapjen e saj kanë edhe insektet.
Shqetësimi që rrethon këtë lloj ndotjeje po shtohet dita-ditës sepse sa vjen e më shumë del në pah fakti që mikroplastika gjendet edhe në vende ku nuk i shkonte mendja askujt dhe pak është hulumtuar për të parë se si mund ta dëmtojë ajo jetën e egër apo edhe njerëzit vetë.
Grimcat mund të përmbajnë baktere apo kimikate toksike. Mikroplastika është gjetur në ujin e rubinetave anembanë globit, në oqeane, tek krijesat e detit e madje deri në zonat e thella malore të Zvicrës.
“Është një realitet shokues, por plastika praktikisht po ndot çdo cep të botës dhe ekosistemeve të saj”, thotë Amanda Callaghan e Universitetit të Redingut, në Mbretërinë e Bashkuar.
Shumë vëmendje i është kushtuar pranisë së mikroplastikës në oqeane, shpjegon bashkautorja e studimit të fundit, por ndërkohë pak është parë se në ç’ masë po prek edhe qiejt tanë.
COMMENTS