Është kthyer tashmë “klishe” përdorimi i gjuhës së urretjes në media, e kësaj here trokiti pikërisht në emisionin “Opinion”. Mbrëmjen e djeshme mes të ftuarve në panel ishte edhe Z. Maks Velo, ku nëpërmjet një termi racial irritoi opinionin publik. Në bisedë e sipër ai u shpreh: Morëm një karrocë me nje “Jevg” i ngarkuam tubat dhe e ndoqëm karrocën ………”. Ky term i përdorur me nota pezhorative u pasua edhe me të qeshura nga të ftuarit e tjerë në studio.
Sjellje aspak e denjë për figurat publike, të cilët nëpërmjet imazhit të tyre ndikojnë ndjeshëm në opinionin publik.
Vlen të theksohet se përdorimi i gjuhës diskriminuese ndaj komunitetit egjiptian në media është kthyer në një fenomen shqetësues dhe përdorimi i termave , shprehjeve fyese dhe degraduese forcon steriotipet dhe nxit urrejtjen e shoqërisë ndaj këtyre individëve. Gjithashtu rrit inferioritetin e këtyre të fundit ndaj shoqërisë.
COMMENTS