Mbi 400 pacientë me turbekuloz në vit, mjekja: Mosha e mesme më e riskuar

Mbi 400 pacientë me turbekuloz në vit, mjekja: Mosha e mesme më e riskuar

Në Shqipëri 1,1 përqind të popullsisë jeton me më pak se 1,90 dollarë në ditë.
Shpërblim për shoferët që nuk kanë bërë asnjë aksident
Dhjetë shenjat që tregojnë tradhëti dhe kohën se duhet të largoheni menjëherë nga një marrëdhënie

Numri i personave të diagnostikuar me turbekuloz ka pësuar rritje të lehtë krahasuar me periudhën para pandemisë. Sëmundja shfaqet më së shumti te mosha e mesme, ndërsa një faktor i rëndësishëm i përhapjes së tij është edhe emigrimi.

Mbi 400 persona diagnostifikohen çdo vit me turbekuloz në vendin tonë.

I lartë është edhe numri i pacientëve që vuajnë nga kanceri në mushkëri.

Drejtoresha e spitalit “Shefqet Ndroqi”, Silvana Bala thotë se pandemia i pengoi qytetarët të vizitohen për probleme të tjera të mushkërive, ndaj dhe së fundi vërehet një shtim i këtyre rasteve.

“Stabilizimi i situatës nga pandemia Covid 19 refklektoi një rritje të rasteve të pacientëve qopftë të sëmurë me kancer pulmoni, qoftë të të sëmurëve me turbekuloz. Shifrat e kancerit pulmonar variojnë nga 600 në 800 raste të diagnostikuara në vit. Ndërsa turbekulozi shkon nga 400 në 440 raste në vit.”

Më të prekur nga turbekulozi janë mosha e mesme, ndërsa të të rinjtë kjo sëmundje është shfaqur kur ata kanë emigruar.

“Turbekulozi normalisht është në moshat e mesme por ne kemi hasur turbekuloz dhe në mosha të reja për faktin sepse vetë largimi i popullasts për të punuar në vendet jashtë apo jetesa që kanë bërë ata në kushtet e një komuniteti, vijnë shumë emigrantë që janë moshë e re dhe pasqyrojnë tubekuloz edhe nga pakujdesia që ata tregojnë për ndjekjen në vendin që shkojnë për të punuar.”

Simptomat janë lodhje, rënie në peshë, dhe probleme më rrugët e frymëmarrjes.

“Me rënie në peshë, ulje të oreksit, temperaturë, intoksikacionin që paraqet, është i lodhur, është i këputur. Pastaj fillojnë simptomat respiratore.”

Këtë deklaratë, Silvana Bala, e bëri nga Konferenca e Pneumologjisë, e cila u mbajt për herë të parë pas tri viteve pandemi.

 

OraNEWS

COMMENTS

WORDPRESS: 0