Marrin flakë lëndët toksike në “ish-Trikotazhin” e Korçës, vihen në rrezik 10 familje

Marrin flakë lëndët toksike në “ish-Trikotazhin” e Korçës, vihen në rrezik 10 familje

Banoret e komunitetit rome në Fshatin Mbrostar, Fier, protestojnë për ujë të pijshëm/30 vite duke pritur Bashkinë Fier të sjellë ujin e pijshem.
Pëson goditje celebrale Numri dy i Bashkisë Elbasan në gjendje të rëndë
Aktivistja del kundër protestës për Klodian Rashën: Është çadër politike! Këto tragjedi ndodhin edhe në Francë dhe Itali..

Ish-Trikotazhi në qytetin e Korçës është përfshirë nga flakët për shkak të lëndëve kimike. Mësohet se ngjarja e rëndë ka ndodhur mesditën e sotme, në lagjen nr.9 të qytetit.

Në këtë ndërtesë ku mbaheshin të depozituara lëndë toksike ka marrë flakë duke çliruar gazra helmues çka ka alarmuar të gjithë banorët e zonës përreth.

10 familje janë të rrezikuara për shkak të helmit që lëshojnë mbetjet kimike dhe pritet që të nxirren nga banesat e tyre për tu evakuar. Paraprakisht mësohet se bëhet fjalë për lëndë kimike që krijojnë reaksion me njëra-tjetrën në prani të faktorëve të jashtëm, si temperatura apo lagështira.

Kjo gjë sjell edhe çlirimin e gazit me përmbajtje kimike që rrezikon të helmojë çdo qytetar pranë tyre.

Sipas Agjensisë së lajmeve Sot, banorët e zonës u kanë bërë apel organeve kompetente për të stabilizuar situatën. Ata deklarojnë para kamerave se nuk është hera e parë që përballen me një situatë të tillë.

“Është e pamundur të jetojmë në këtë situatë. Është përsëritur shumë herë. Na rrezikohet jeta nga helmet. Të bëhet diçka për ta zgjidhur,”– deklarojnë ata ndër të tjera.

COMMENTS

WORDPRESS: 0