Kthehet “Selector PRO”  forumi ndërkombëtar muzikor/Transmetimi i drejtpërdrejt në Shkurt

Kthehet “Selector PRO”  forumi ndërkombëtar muzikor/Transmetimi i drejtpërdrejt në Shkurt

Franca, kampione e botës! Kroacia e mbyll me nder …
Ndryshimi i orës, merret vendimi …
BB: Shqipëria kryeson rajonin për punësimin në të zezë

Në vitin 2021, British Council Ukraine dhe Music Export Ukraine u bënë dixhitale për Selector PRO, dhe formati funksionoi aq mirë dhe u vendos  të vazhdojë sërish në formë dixhitale në vitin 2022.

Selector PRO  mbush 5 vite këtë vit dhe është forumi më i gjatë arsimor dhe i rrjetëzimit të muzikës në Ukrainë. Muzikantë dhe përfaqësues të industrisë nga Britania e Madhe, Evropa dhe Azia Qendrore, shënojnë datën 18,19 Shkurt 2022 për orarin intensiv të bisedimeve profesionale, seminareve dhe mundësive të paçmuara të rrjetëzimit.

Pjesëmarrja në Selector PRO është, si gjithmonë, pa pagesë, mjafton të regjistroheni përpara nisjes së forumit.

Forumi i këtij viti përballet me probleme reale të ndërlidhura me industrinë, por megjithatë ai është i destinuar të mbetet në hap me të gjitha ndryshimet e ardhshme.

PRO 5 do të sigurojë dhjetëra profesionistë nga industria e muzikës në Mbretërinë e Bashkuar, Evropë dhe Azinë Qendrore me qëllim që të përballen me çështjet e mëdha në vijim dhe të ardhshme në industri

Forumi do të mbahet më 18-19 shkurt të vitit 2022 dhe do të mbajë tetë panele të moderuara në tema të ndryshme muzikore.

Si do të duket? Forumi Selector PRO do të ketë 8 panele të moderuara, të cilat do të mbulojnë tema nga industria muzikore. Britanikes Xhejn Bis nga The Factory dhe Manchester International Festival do t’i bashkohen Pol Mekgivern nga agjencia britanike Playbook Artists dhe Beril Sarialtun nga projekti turk My City My Voice që të bisedojnë për ndikimin e viteve pandemike mbi industrinë dhe t’i ndajnë përvojat e tyre pozitive nga studimet e suksesshme të rastit dhe bashkëpunimet në distancë gjatë dy viteve të kaluara. Dona Klouz nga festivali britanik 5G Festival do të bisedojë për arritjet e paradokohshme industriale, të cilat rezultojnë me ngjarje hibride joshëse, ndërsa në shoqërinë  e saj do të gjendet edhe ukrainasi Anton Volovik nga Reface, i cili do të flasë për atë si artistët duhet të ndërlidhen me publikun dhe ta argëtojnë më mirë. Britanikja Xhoti, dixhejka në RinseFM, do të shoqërohet me bashkëkombasen e saj Eli Xhejls nga Step Music Management, ukrainasja Anastasia Babiçeva nga Masterskaya dhe psikologia Vera Kravçenko që të diskutojnë për përballjen me urrejtjen në internet.

Shoni Kabalero nga agjencia britanike Go 2 Agency do të drejtojë një seminar dedikuar temës, e cila është mjaft aktuale si rezultat i rritjes së tregut të muzikës digjitale – të drejtat e autorit. Ajo do të hedhë dritë mbi çështje siç janë mbrojtja e një vepre autoriale dhe marrja e kompensimit adekuat, “rregullat” për përmbajtjen kreative onlajn dhe si duhet vepruar kur një person i tretë e përdor pa leje të drejtën tuaj autoriale. Do të marrim pjesë edhe në atë që padyshim do të jetë një bisedë e gjerë mes delegatëve të dy tregjeve muzikore jashtëzakonisht unike – Britaniku Xhon Dan nga Parallel Lines dhe gjeorgjiani Gjorgji Kikonishvili nga Electronauts/Bassiani/Horoom Nights. Ata do të flasin për atë se si i formojnë ekipet e tyre, metodat e tyre, si kanë arritur të mbijetojnë dy vitet e fundit dhe çfarë e shtyn muzikën e pavarur në vendet e tyre. Kler, O’Nilit bashkëthemeluese e Festivalit Greener britanik dhe kryetare e grupit të Gjelbër të Shoqatës së muzikës elektronike, do t’i bashkohen Feimata Konte, menaxhere e qëndrueshmërisë së mjedisit jetësor në festivalin britanik Manchester International Festival dhe Vera Logdanidi, aktiviste muzikore ukrainase nga Rhythm Büro, që të diskutojnë për rolin e industrisë në përballjen me ndryshimet klimatike.

Ata do të diskutojnë për atë se çfarë mund të ndërmarrin artistët dhe publiku për të kontribuar në një sektor muzikor më të qëndrueshëm dhe zgjidhje të realizueshme për ndryshime sistemike përmes artit.

Por sikur të mos mjaftonte e gjithë kjo, do të shqyrtohen edhe qasje të reja për bashkëpunim, menaxhim efektiv të kohës, sfidën e quajtur onlajn tim bilding, angazhimin e publikut, fitimin e parave në hapësirën onlajn dhe shumë më tepër.

Konferenca Selector PRO do të mbahet në një platformë onlajn, e cila është e lehtë për t’u përdorur dhe mundëson shumë funksione, siç janë rrjetëzimi, seminaret dhe diskutimet interaktive, dhoma për biseda sy në sy dhe një bibliotekë me burime për të parë transmetimet e kaluara.

Forumi digjital Selector PRO është falas me regjistrim paraprak. Forumi është falas. Gjithçka që duhet të bëni që të merrni pjesë është të regjistroheni këtu.

 

COMMENTS

WORDPRESS: 0