Korçë/Mjeku i njohur Kujtim Shabani pritet te nderohet me titullin “Qytetar Nderi” pas vdekjes.

Mjeku i njohur korçar i cili humbi jetën në moshën 49 vjeçare, nuk është lënë në harresë për vitet qe i ka kushtuar punës së tij ne spitalin e qytetit juglindor të Korçës.

Ka qenë organizata “Drejtesi Sociale” e cila ia ka derguar kërkesën anëtares së Keshillit Bashkiak prane Bashkise Korçë, znj.Etleva Tare, ti propozojë Këshillit Bashkiak Korçë që ti jepet titulli” Qytetar Nderi” pas vdekjes, intelektualit te shquar Kujtim Shabani.Ky nderim u propozua në shenjë mirënjohjeje për punën tij të përkushtuar dhe të devotshme në mbrojtje të shëndetit të njërëzve në qytetin e Korçes.
Propozimi në fjalë u mirëprit edhe nga qytetarët Korçarë, të cilët shprehën vlerësime për z.Shabani nëpërmjet komenteve në rrjetet sociale.