Kapet me drogë shefja kompjuterike e AKSH-it Erisa Fero, 58 kg hashash sekuestrohen, disa persona shpallen në kërkim

Kapet me drogë shefja kompjuterike e AKSH-it Erisa Fero, 58 kg hashash sekuestrohen, disa persona shpallen në kërkim

Naftëtarët/ Kërkojmë kontributin e qeverisë për të siguruar të drejtat tona themelore
Vrasja në Elbasan/ Prokuroria ngre dyshime se vrasja ka ndodhur …
BB: Shqipëria kryeson rajonin për punësimin në të zezë

Erisa Fero është arrestuar nga policia kriminale e Korçës. Raportohet nga mediat se Erisa Fero, shefe kompjuterike në Agjencinë Kombëtare e Shoqërisë së Informacionit, (AKSH) është arrestuar në flagrancë ndërsa drejtonte mjetin. Aksioni është kryer nga prokuroria e Pogradecit në bashkëpunim me Drejtorinë e policisë Korçë, duke sjellë arrestimin e zyrtares së AKSH-it dhe bllokimin e 58 kg drogë hashash.

Lënda narkotike vinte nga zona e Shkodrës, ku të implikuar janë persona nga Fushë-Kruja dhe Korça. ‘Nga hetimet e kryera rezulton se tre shtetasit kishin kryer transportimin e lëndës narkotike nga qyteti i Tiranës në drejtim të Qafë Thanës’, informoi sot policia e Korçës.

Ndërhyrja policore është realizuar në zonën e Qafë-Thanës, pikërisht tek kthesa e restorant Kukësit. Në momentin e ndërhyrjes është arrestuar Erisa Fero, e cila drejtonte makinën ku në brendësi të automjetit, në pjesën e bagazhit u gjet dhe sekuestrua në cilësinë e provës materiale 58 kg lëndë e dyshuar narkotike kanabis.

Në makinë së bashku me drejtoreshën e AKSH, ishte dhe Likmend Basha, djali i një biznesmeni nga Fushe-Kruja dhe një 17 vjeçar me inicialet M.K. Ndërsa dy persona të tjerë, F. S., 30 vjeç dhe G. S., 28 vjeç, banues në fshatin Piskupat, Pogradec, janë shpallur në kërkim, pasi janë larguar me shpejtësi në momentin e ndërhyrjes së punonjësve të policisë.

“Po nga veprimet e para hetimore rezulton se trafikimin e sasisë së drogës në drejtim të Maqedonisë, do ta kryenin dy shtetasit e shpallur në kërkim” informoi policia.

Aksioni aktualisht vijon për lokalizimin dhe arrestimin e dy personave të tjerë dhe lidhjeve të tyre.

Por kush është Erisa Fero? 

Në 22 dhjetor të vitit 2021, Erisa Fero është kallëzuar nga Komisioni Qendror i Zgjedhjeve (KQZ) së bashku me 21 komisionere. Fero ka qënë anëtare e PS si pjesë e një komisioni të numërimit të votave në një KZAZ. Për shkak se në Komisionin ku bënte pjesë Fero, rezultati i votave ishte falsifikuar, KQZ ka depozituar kallëzim penal në prokurorinë e Tiranës për 21 komisionerë. Ata janë akuzuar si të përfshirë në manipulimin e zgjedhjeve të 25 prillit 2021, si dhe për heqjen apo shtimin e votave për kandidatët e partive të ndryshme. Në rrjete sociale, Fero postonte vazhdimisht foto me puro, dhe poza gjatë qitjes me armë në poligon, e cila është një pamje e pazakontë për një punonjës administrate. 

 

Burime: Policia e Shtetit, oranews

 

COMMENTS

WORDPRESS: 0