Foto: 19 vjeçarja shqiptare e humbur Artemis Vasili
Ende i paqartë është fat ii 19 vjeçares shqiptare Artemis, që u zhduk pa lënë asnjë gjurmë rreth tre muaj më parë.
Gjatë raportimeve të kajmeve, mediat greke shkruajnë se Artemis është parë për herë të fundit në një vend të quajtur Koropi, Greqi, pasi është kapur në lëvizje nga kamerat e sigurisë të një biznesi afër rrugës.
Por, duket se ka një dritë jeshile për Artemis, pasi një dëshmitar që bisedoi me Prokurorin e çështjes Angeliki Nikolouli, pretendon se e ka parë 19 vjeçaren shqiptare disa minuta më parë se të bëhej një kontroll nga autoritetet në zonën përreth.
“Policia e Omonia e di shumë mirë se ku është Artemis. Ka disa oficerë policie që paralajmërojnë kur është koha për të ndërhyrë. Ditën që prokurori u largua nga ajo zonë, autorët u larguan nga një rrugë e pasme. Ata u zhdukën. Artemis ishte në Iasonos, në Metaxourgeio. Ata e kanë marrë atë nga atje tani”, tha dëshmitari.
Ndonëse policia ka rifilluar kërkimet në zonë, të cilat deri tani kanë qenë pa rezultat, policia dyshon se askush nuk do të rrezikonte të përfitonte nga një person i zhdukur në vende të tilla.
Por, le të kujtojmë se çfarë ndodhi pak para se ajo të humbte…
Shoqja e ngushtë e Artemis flet për një incident që ndodhi në korrik dhe mund të ketë lidhje me zhdukjen e saj.
“Një ditë në verë, prindërit e saj po e kërkonin sepse ajo mungonte me orë të tëra. Ajo më kishte thënë se do të shkonte vetëm në Varkizë për të notuar. Unë nuk e besova, megjithatë ka shumë skenarë që kalojnë në mendjen time. Kam frikë se i ka ndodhur diçka e keqe”, tha ajo.
Miq të tjerë të Artemisit thonë se zona e Varkizës duhet të kontrollohet mirë, sepse ajo shkonte atje dhe qetësohej. Ditën kur ajo u zhduk, ajo u pa duke pritur në stacionin e dytë të Atikës, në Koropi. Nga atje kalojnë autobusët që shkojnë në Glyfada dhe Vari.
“Ka kamera që nuk u kontrolluan”
Banorët dhe blerësit në zone, që e njihnin atë ishin të gatshëm të ndihmonin. Disa kishin kamera që me siguri do ta kishin regjistruar atë në momentet e fundit para zhdukjes, por askush nuk i hetoi ato në ditët e para.
“Për të bërë kaq shumë rrugë pa u ndalur, dikush duhet t’i ketë thënë asaj që të shkonte tek ai. Autobusi 308 që Artemis duhej të merrte kaloi, megjithatë ajo nuk hipi në të, kështu që po priste dikë”, theksoi vëllai i saj.
Përshtatur nga Informim.Al
COMMENTS