Iu vdes babai në Infektiv, flasin dy vajzat: E lanë në karrige, mos i sillni prindërit këtu, kemi prova nga brenda, jepni para”

Iu vdes babai në Infektiv, flasin dy vajzat: E lanë në karrige, mos i sillni prindërit këtu, kemi prova nga brenda, jepni para”

Greva e urisë në Ballsh/ Njëra nga naftëtaret tenton të vetëvritet
Shkolla mbaroi por këto janë detyrat e verës…
Diskriminimi dhe margjinalizimi që pengojë Romët pa shtetësi në Shqipëri.

Dy vajzat e një pacienti që ka ndërruar jetë në spitalin Infektiv, kanë bërë një deklaratë tronditëse për gazetaren e Fax Neës Fjona Çela, ku shprehen se të atit të tyre i ka munguar shërbimi bazë mjekësor.

Vajzat shprehen me zë dhe me figurë, se u janë kërkuar para që babanë ta nxirrnin nga Infektivi në mënyrë që ta çonin në një spital jashtë vendit. Vajzat e Rifat Lalos  shprehen se kanë prova që vërtetojnë se babait të tyre nuk i janë bërë as skaner dhe asnjë trajtim mjekësor.

Vajzat tregojnë se babai i tyre është lënë të presë për tre orë në një ambulancë, derisa më pas e kanë futur brenda spitalit, ku është lënë pranë derës, dhe dëshmonte vetë se kishte ftohtë.

Gjendja e tij është përkeqësuar brenda orësh, dhe mbrëmjen e djeshme atyre u është dhënë lajmi se ai kishte ndërruar jetë. Dy vajzat në gjendje të rënduar emocionale bëjnë thirrje që askush të mos shkojë dhe të trajtohet në spitalet publike Covid, pasi sipas tyre nuk ekziston asnjë lloj shërbimi.

Për të parë videon kliko këtu

Deklarata e vajzave të Rifat Lalos sipas Fax Web:

“Na thanë që vetëm këtu kishte oksigjen, na thanë që nuk kishte vende të lira në spitale, vendosëm që ta sillnim këtu. Babai na merrte çdo çerek ore dhe na thoshte se nuk i bënin asgjë, e kishin lënë afër derës dhe kishte ftohtë.

Doktoresha Migena Qato nuk kishte një etikë mjekësore, ajo thoshte që po i bëjmë skaner, dhe babai thoshte nuk i bënin asgjë. Babai thoshte që të dilnin, ne komunikuam dhe me mjekë në Bruksel dhe tghoshin që nuk është gjendja aq e rëndë sa e thonë ata aty.

Ishim me mëdyshje nëse duhet ta nxirnim apo jo nga spitali, kërkuam që ta çonim në një spital tjetër. Babai thoshte jepni pare dhe më nxirrni nga këtu. Nuk kam për tia falur kurrë vetes këtë, që e shtruam babanë këtu. Kurrë më asnjë të afërm në publik, e vërtetuam këtë mbrëmë, me ikjen e babait tonë.

Na tha se e kishin lënë në një karrige, nuk e prekte njeri me dorë, babai ynë ishte intelektual. Kemi shumë pikëpyetje, babai ynë ka ikur me brengë në zemër, na iku tak fak.

Ne kemi burim nga brenda që nuk i është bërë skaner, ju lutem mos sillni prindërit këtu, të afërmit, e kemi të provuar që nuk i është bërë asgjë”. / Fax Web 

 

COMMENTS

WORDPRESS: 0