Evropa ‘vuan’ për mësues! Pakënaqësi për pagat dhe kushtet e punës

Evropa ‘vuan’ për mësues! Pakënaqësi për pagat dhe kushtet e punës

Gara për kreun e SPAK, Yuri Kim mesazh të fortë kandidatëve: Procesi të jetë transparent dhe duhet të luftoni…
Fjalimi i Arbër Paplekajt në gjykatë: ‘Vajzës së Pjerin Xhuvanit i qëndroj kokulur deri në vdekje, veprova instiktivisht’
Përfaqësues të komunitetit egjiptian dhurojnë gjak për fëmijët talasemikë.

Mungesa e mësuesve po shqetëson vendet në të gjithë Evropën. Franca, Gjermania, Portugalia, Suedia dhe Italia po përballen të gjitha, me probleme të rekrutimit të mësuesve në mes të pakënaqësisë së përhapur brenda profesionit. Në Gjermani do të ketë një mungesë prej 25,000 mësuesish deri në vitin 2025 dhe 30,000 në Portugali deri në vitin 2030, sipas vlerësimeve, ndërsa aktualisht ka 4,000 vende vakante në Francë.
Për Eric Charbonnier, një ekspert i arsimit, pandemia COVID i dha “dukshmëri” profesionit të mësuesit. Por të tjerët kanë dhënë shpjegime të ndryshme. Régis Malet, profesor i arsimit në Universitetin e Bordo, tha se mungesat ishin për shkak të “nivelit të ulët të pagave, veçanërisht në Francë, por edhe përkeqësimit të kushteve të punës, apo statusit .
Mësimdhënia ka ndryshuar “nga një punë me vlerë të lartë të shtuar sociale, prestigj, në një formë pasigurie në mision, humbje kuptimi dhe përfundimisht mosmarrëveshje midis shkollës dhe jetës”, shtoi ai.
Në Francë, vështirësitë e paprecedentë të shtimit të stafit bënë që Ministria e Arsimit të shtyjë afatin e aplikimit për të qenë mësues në vitin shkollor 2023 për shkak të mungesës së kandidatëve.
Gjermania, Portugalia, Suedia dhe Italia po përballen gjithashtu me një numër të madh mësuesish që dalin në pension, që i shtohen numrit të mungesës së mësuesve.Në nivelin e shkollës fillore, 60% e mësuesve janë mbi 50 vjeç në Itali, 37% në Gjermani, 42% në Portugali, 36% në Suedi dhe 23% në Francë.
Top Channel

COMMENTS

WORDPRESS: 0