Elbasan/Shtyhet seanca gjyqësore e Sajmir Tahirit

Shtyhet seanca gjyqësore në ngarkim të ish ministrit Saimir Tahirit për shkak se avokatit të tij Maks Haxhia i ka vdekur babai.

Ish-ministri i Brendshëm, Saimir Tahiri, i dënuar me 3.4 vite burg nga Gjykata e Posaçme e Apelit, ka zhvendosur përballjen e tij me drejtësinë në Gjykatën e Elbasanit, nën juridiksionin e së cilës gjendet burgu i Lushnjës ku ai po vuan dënimin.

Sipas të dhënave, ish-kreu i dikasterit të Brendshëm, përmes avokatëve të tij mbrojtës, i kërkon Gjykatës njohjen e dënimit të dhënë më datë 19 shator 2019 nga Gjykata e Shkallës së Parë. Në atë kohë, ai u dënua për shpërdorim detyre me 3 vite 4 muaj heqje lirie, por Gjykata e pezulloi dënimin dhe e konvertoi në shërbim prove.Ish-ministri pretendon se ai e ka zbatuar atë dënim duke mbajtur çdo ditë kontakte me shërbimin e provës, deri në dhënien e vendimit nga Apeli më 4 shkurt të këtij viti. Kjo Gjykatë rrëzoi dënimin me shërbim prove duke e dërguar në burg ish-ministrin. Nuk dihet ende se kur është seanca e rradhës.