Elbasan/ Raste të shumta dhune familjare edhe në ditë festash

Dhuna ndaj grave në Shqipëri nuk ka të ndaluar edhe në kohë festash.
Në qarkun e Elbasanit janë regjistruar sot raste të reja të dhunës në familje.
Rasti i parë ka qenë në Elbasan dhe tjetri në Librazhd. Shtetasi me iniciale A.r. 29 vjeç nga qyteti i Elbasanit, ka ushtruar dhunë fizike dhe psikologjike ndaj prindërve të tij. Gjithashtu specialistët e hetimit të krimeve në Librazhd arrestuan në flagrancë shtetasin me iniciale M.Ç. 64 vjeç banues në Librazhd, pasi për motive të dobta ka ushtruar dhunë fizike dhe psikologjike ndaj bashkëshortes së vëllait të tij.
Një ditë më parë policia njoftoi për dy raste të tjera dhune dhe rasti i parë ndodhi pikërisht në ditën e dytë të vitit.