Durrës:  Mungesa e infrastrukturës, banorët kërkojnë masa urgjente

Durrës: Mungesa e infrastrukturës, banorët kërkojnë masa urgjente

Ndodh për herë të parë në Shqipëri, të moshuarit burg të veçantë me pamje nga liqeni
Sindikatat/ Tragjedi papunësie nëse nuk merren masa
Ai është i fortë si një burrë i madh, me dëshira minimale për jetën…

Mungesa e infrastrukturës në disa lagje të ndryshme të qytetit të Durrësit,jo vetëm që ka vështirësuar jetën e banorëve,  por këta të fundit ndihen të harruar nga pushteti vendor. E ndërkohë që zgjedhjet lokale janë në prag, kjo gjë i ka irrituar edhe më shumë, pasi katër vite më parë është premtuar për rehabilitimin e dy rrugëve ,”Luigj Gurakuqi” dhe “Riza Kurshumi”  shumë pranë njëra  tjetrës , në lagjen numër 14. Në jo pak raste banorët kanë protestuar për mungesën e infrastrukturës, por edhe ndotjen që shkaktohet nga kanalet e ujrave të zeza. Ata kërkojnë mbylljen e kanaleve, por edhe të një pike thertoreje,  e cila sipas tyre sjell ndotje masive . Këto problematika  të pasqyruara prej vitesh ende nuk po zgjidhen nga institucionet vendore,në qytetin e Durrësit. Pas reshjeve intensive këto dy rrugë janë bërë të pakalueshme si rezultat i gropave  të mëdha të krijuara ndër vite  të tejmbushura tashmë me ujë si dhe prezenca  e madhe e baltës.

“Ne nuk po dalim nga shtëpia dot  për shkak të ajrit të ndotur që është . Më shumë ndikon tek fëmijët “.

“Gjithë ky komunitet këtu që është populluar e para fare,është harruar,nuk ka vënë njeri dorë këtu prej vitesh ,asnjë investim nuk është bërë “.

Në lagjen 17 dhe 14  që përfshin zonën e  “Ish kënetës “ dhe Shkozetit  janë të shumta kanalet e ndotura që kalojnë mes përmes zonave të banuara, duke rrezikuar shëndetin e banorëve, si dhe rrugë të dëmtuara apo edhe segmente për të cilat nuk është investuar asnjëherë. Në këto kushte banorët paralajmërojnë shumë para afatit të zgjedhjeve lokale  se nuk do të marin pjesë në to nëse nuk do të ndërhyhet për përmirësimin e situatës .

COMMENTS

WORDPRESS: 0