‘Do bëjmë ndonjë vetëflijim që të mbetet në histori’/ Përkeqësohet gjendja shëndetësore e grevisteve, dy prej tyre përfundojnë në spital

‘Do bëjmë ndonjë vetëflijim që të mbetet në histori’/ Përkeqësohet gjendja shëndetësore e grevisteve, dy prej tyre përfundojnë në spital

Objektet rrezikojnë të shëmben, ndërkohë që nga ana e institucioneve nuk u është ofruar asnjë zgjidhje.
Policia bashkiake e Tiranës sekuestron karrocën e gruas rome.
Çfarë ka ndodhur një vit pas ngjarjes ku nëna ndërroi jetë gjatë lindjes së vajzës.

Dy prej grave naftëtare, kanë përfunduar sot në spital për shkak të problemeve shëndetësore.

Ndërsa kanë hyrë në ditën e 21-të të grevës së urisë, ato vijojnë të palëkundura kauzën për marrjen e pagave të prapambetura në uzinën e përpunimit të naftës në Ballsh.

Sipas raportimeve të mediave lokale dy naftëtaret e hospitalizuara po marrin mjekim dhe kanë pohuar se do t’i bashkohen sërish grevës, sapo gjendja shëndetësore të jetë stabilizuar.

Sipas grevisteve, ato kanë marrë mesazhe anonime, që ato të lënë grevën. Por pavarësisht gjendjes, ato janë të vendosura në kauzën e tyre dhe shprehen se nuk dalin nga greva pa marrë pagat e prapambetura.

Njëra prej tyre u shpreh:

“Mos të na bëjnë presione që të lëmë grevën, pasi do bëjmë ndonjë vetëflijim që të mbetet në histori.”

Disa prej shkrimeve që shihen në muret e godinës ku po zhvillohet greva e grave naftëtare:

Grevë Urie, shteti hesht!

Shteti përgjegjës!

Nënat duhet të jenë më pranë fëmijëve!

Fëmijët flenë me barkun bosh!

Fëmijët nuk e njohin privatin, duan bukë!

F5F20FEC C544 40C9 BCB8 AF3B22F3F349 54FB015A 892D 46BA A2E8 931E35D6806A
F5F20FEC C544 40C9 BCB8 AF3B22F3F349

COMMENTS

WORDPRESS: 0