Digjet nga flakët e zjarrit një bujtinë në fshatin Theth

Digjet nga flakët e zjarrit një bujtinë në fshatin Theth.

Në videon e siguruar për Ora News, shihet se zjarri ka shkrumbuar katin e tretë të saj. Bujtina e cila u përfshirë nga flakët pasditen e sotme është në pronësi të familjes Guri.

Sipas pamjeve, në derën e bujtinës shihet një burrë me një kove uji në dorë që bën përpjekje për të ndaluar zjarrin.
Ndërkohë vetëm pak minuta më vonë në vend ngjarje ka mbërritur shërbimi i zjarrfikëses, që ka bërë të mundur shuarjen e zjarrit.

Si pasojë e flakëve e gjithë çatia është shkrumbëruar, sakaq nuk raportohet për të lënduar.