Shpesh dëgjojmë se anëtarët e minoriteteve nuk e duan punën, por nuk analizojmë pse ata nuk pranojnë të punësohen në biznese, ku një nga arsyet kryesore është shfrytëzimi në maksimum nga ana e punëdhënësve. I tillë ishte rasti i publikuar në emisionin “Stop”, ku një 20 vjecar i minoritetit egjiptian i punësuar pranë një biznesi turk për prodhimin e kartonave për pica u aksidentua në ambientet e punës, duke dëmtuar gishtat poshtë makinerisë së ndezur. Pas kësaj ngjarje pronari turk reagoi menjëherë duke nxitur 20-vjeçarin të fshehë ngjarjen dhe me pas e largoi nga puna. Falë emisionit “Stop”, u nxit prokuroria të hetojë çështjen, por prokurori Anton Martini, vendosi mosfillimin e procedimit penal. Avokati i 20-vjeçarit ka ankimuar në gjykatën penale të Tiranës vendimin duke kërkuar hetimin me seriozitet, paanësi të çështjes.
COMMENTS