Studiuesit britanikë të enjtën dolën në përfundimin se rreziku i mpiksjes së gjakut në tru nga COVID-19 është shumë më i lartë sesa ai i mpiksjes nga vaksinat, raporton Reuters.
Lajmi vjen pas ndalimit të vaksinimit të vaksinave AstraZeneza dhe Johnson&Johnson për shkak të rasteve të mpiksjes të raportuara. Rregullatorët britanikë dhe evropianë kanë theksuar se përfitimet e vaksinimit tejkalojnë rreziqet.
Në studimin e 500,000 pacientëve me COVID-19 rezultoi se mpiksja kishte ndodhur me një normë prej 39 personash nga një milion të infektuar.
Ndërkohë, Agjencia Evropiane të Barnave (EMA) raportoi 5 raste mpiksje në një milion njerëz që kishin marr vaksinën AstraZeneca.
Studiuesit theksuan se rreziku i mpiksjeve të gjakut ishte 8-10 herë më i lartë pas infektimit me COVID-19 sesa nga vaksinat.
Studimi u bazua në një bazë të të dhënave shëndetësore të Sh.B.A-së dhe kështu nuk grumbulloi të dhëna të reja mbi rrezikun e mpiksjes nga vaksina e AstraZeneca direkt, pasi goditja nuk po bëhet atje.
Po ashtu, edhe shkalla e vdekshmërisë nga mpiksja pas infektimit me Covid ishte shumë e lartë, rreth 20% të rasteve, sesa pas mpiksjes nga vaksinat.
Studiuesit theksuan se COVID-19 shoqërohej me çrregullime më të zakonshme të mpiksjes sesa crregullimet e mpiksjes në tru, është rast më i rrallë.
“Rëndësia e këtij zbulimi është se rithekson faktin se kjo është një sëmundje me të vërtetë e tmerrshme, si një larmi e tërë efektesh, përfshirë rrezikun e rritur të mpiksjeve të rrala të gjakut në tru,” u shpreh John Geddes, drejtor i NIHR Oxford Health Biomedical Research Center./exit.al
foto ilustruese, Burimi: Reuters
COMMENTS