Arrestohet Ramazan Rraja, nipi i deputetit Rrahman Rraja

Arrestohet Ramazan Rraja, nipi i deputetit Rrahman Rraja

Hiqeshin si punonjës fondacioni dhe bënë ‘namin’ me mashtrime, pranga të riut në Elbasan. Shpallen në kërkim bashkëpunëtorët
INVESTIGIM/22-vjeçarja e dhunuar keniane, pse u mbajt e fshehur ngjarja?
Polici dhunon të riun në Pogradec, më pas e arreston, ja çfarë deklaron Policia mbi ngjarjen

Ramazan Rraja, nipi i deputetit Rrahman Rraja është arrestuar pasditen e sotme, pasi është kapur teksa lëvizte me armë pa leje në vendin e quajtur Ura e Gjoles.

“Në vijim të operacionit policor të koduar “Komploti” janë kapur dhe vënë në pranga Ramazan Rraja dhe shtetasi Louis Konomi alias Elton Llozhi”, njofton policia.

Pak muaj më parë, në banesën e Ramazan Rrajës janë ushtruar dy kontrolle, pasi dyshohej si person që kishte dijeni për atentatin ndaj ish prokurorit Arjan Ndoj.

SPAK-u lëshoi urdhër për shoqërim të detyrueshëm të tij për të dhënë dëshmi, por në momentin e kontrollit Rraja nuk u gjend në banesë, dhe u paraqit pak kohë më vonë. Pasi u mbajt për disa orë në policinë e Tiranës, Rraja u la i lirë.

Dyshohet se Ramazan Rraja së bashku me kushëririn e tij Redjan Rraja tashmë në burg organizuan sulmin në mbikalimin e Shkozetit ndaj prokurorit Arjan Ndoj dhe një personazhi të njohur të botës së krimit Aleksandër Lahos (Pëllumb Muharremi) të cilët mbetën të plagosur ndërsa shoferi Andi Maloku ndërroi jetë.

Duket se Ramazan Rrahja nuk i druhej vetëm policisë mbrëmjen e djeshme pasi lëvizte i armatosur me një pistoletë në brez gati për qitje.  Në shoqërinë e tij ishte dhe një tjetër i kërkuar nga drejtësia, Louis Konomi i cili mban dhe emrin Elton Llozhi i shpallur në kërkim nga policia e Elbasanit për gjobëvënie.

Muajt e fundit policia e ka pasur në vëmendje Ramazan Rrajën të cilin e ka shoqëruar në tetor të vitit të kaluar për ta pyetur për atentatin në mbikalimin e Fushë Krujës ku humbën jetën 3 të rinj si edhe në nëntor kur u kap tek mbikalimi i Rinasit duke udhëtuar me makinë të blinduar.

Pasi SPAK nxori urdhër ndalimin për të më 17 janar Ramazan Rraja qëndronte i fshehur në Durrës, Tiranë dhe Lezhë. Policia organizoi disa operacione për arrestimin e tij që rezultuan pa sukses derisa mori informacion të saktë mbrëmjen e së mërkurës dhe e vuri në pranga.

COMMENTS

WORDPRESS: 0