20 (njëzet) rrugë për 20 (njëzet) gra të vrara”, ishte aksioni i mbrëmjes së djeshme i aktivisteve feministe në kujtim të grave të vrara përgjatë vitit 2021 në Shqipëri.
Mbi tabela në formën e atyre që mbajnë emrin e rrugëve ekzistuese, aktivistet kanë shkruajtur emrin e viktimës dhe shkakun e vdekjes së shkaktuar nga dhuna patriarkale.
“Hapësira publike, kryesisht monopol patriarkal, është zaptuar përmes zëvendësimit të 20 emrave të rrugëve të kryeqytetit, me emrat e 20 viktimave të femicidit përgjatë gjithë vitit të shkuar, përfshirë rastin më të fundit, atë të Gjyle Topallit, disa ditë më parë, në Vaun e Dejës.”– shkruhet në komunikatën e aktivisteve.
Pavarësisht të ftohtit të mbrëmshëm, tashmë 20 (njëzet) rrugë të kryeqytetit mbajnë emrat e grave të cilat kanë humbur jetën me dhunë nga bashkëshortët, ish-bashkëshortët, partnerët apo ish-partnerët e tyre.
Komunikata e plotë e aktivisteve:
PRIVATJA ËSHTË PUBLIKE: 20 RRUGË PËR 20 GRA TË VRARA NË NJË VIT!
“Mbrëmjen e djeshme, aktivistet e Kolektivit Feminist në Tiranë, ndërmorën një aksion simbolik dhe ndërgjegjësues, në kujtim të grave të vrara nga dhuna patriarkale në Shqipëri.
Hapësira publike, kryesisht monopol patriarkal, është zaptuar përmes zëvendësimit të 20 emrave të rrugëve të kryeqytetit, me emrat e 20 viktimave të femicidit përgjatë gjithë vitit të shkuar, përfshirë rastin më të fundit, atë të Gjyle Topallit, disa ditë më parë, në Vaun e Dejës.
Në një shoqëri ku dhuna strukturore dhe patriarkale i shndërron gratë në viktima dhe burrat në kriminelë e ku krimi justifikohet e për të cilin vazhdimisht fajësohet viktima, reagimi masiv për një transformim rrënjësor është domosdoshmëri.
Mbi të gjitha, vrasja e grave dhe dhuna me bazë gjininë, nuk janë çështje private por shoqërore dhe politike. Për pasojë, adresimi i tyre meriton vëmendje gjithpërfshirëse dhe akte konkrete institucionale që garantojnë drejtësi për viktimat; mbrojtje, siguri e mirëqenie për të mbijetuarat dhe politika sociale që parandalojnë dhunën dhe hapin rrugën për barazi e drejtësi sociale.
Në kujtim të secilës që u nda dhunshëm, bashkohemi në përpjekjen e vazhdueshme për një jetë me dinjitet dhe në liri!
Lumturie Bici, 50 vjeç, vrarë nga bashkëshorti, Librazhd, 2021
Klarita Ismalaja, 45 vjeç, vrarë nga bashkëshorti, Krujë, 2021
Diana Vuka, 59 vjeç, vrarë nga i vëllai, Shkodër, 2021
Zhaneta Metane, përdhunuar, shfrytëzuar për prostitucion dhe vrarë nga Përparim Tela, Tiranë, 2021
Kristina Bardhi, shfrytëzuar për prostitucion dhe vrarë nga Përparim Tela, Tiranë 2021
Liljana Buzo, 54 vjeç, vrarë nga bashkëshorti, Elbasan, 2021
Dorina Alla, 39 vjeç, vrarë nga bashkëshorti, në prani të fëmijëve, Itali, 2021
Fëllënza Shirja, 45 vjeç, vrarë nga bashkëshorti, Kavajë, 2021
Irvana Hyka, 28 vjeç, vrarë nga bashkëshorti në prani të fëmijëve teksa ishte shtatzënë, Fier, 2021
Luljeta Heshta, 47 vjeç, vrarë nga partneri, Itali, 2021
Sanije Bandula, 83 vjeç, vrarë nga bashkëshorti, Shkodër, 2021
Anisa Shehu, 31 vjeç, vrarë nga bashkëshorti, Greqi, 2021
Joana Peca, 27 vjeç, qëlluar nga bashkëshorti në prani të fëmijëve, Florida, SHBA, 2021
Sabrina Bengaj, 23 vjeç, vrarë nga ish-bashkëshorti, Fier, 2021
Violeta Gurraj, 47 vjeç, vrarë në shtëpinë e saj nga bashkëshorti, Shkodër
Fëllënxë Rrasa, 45 vjeç, vrarë nga bashkëshorti, Divjakë, 2021
Jawsackie Jaboah, 31 vjeç, vrarë nga bashkëshorti shqiptar, Tiranë, 2021
Elinda Topalli, 50 vjeç, vrarë nga bashkëshorti, Austri, 2021
Elona Ibrushi, 36 vjeç, vrarë nga bashkëshorti, Greqi, 2021
Gjyle Topalli, 40 vjeç, vrarë nga ish-bashkëshorti, Vau i Dejës, 2022
Fotografi gjatë aksionit: 
COMMENTS