10 Dhjetor – Dita Ndërkombëtare e të Drejtave të Njeriut

10 Dhjetor – Dita Ndërkombëtare e të Drejtave të Njeriut

A duhet të shpresojmë tek një Institucion Kushtetues i Pavarur, ku drejtuesi emërohet si pasojë e një marrëveshje politike ?
A është COVID-19 shkaktari i vetëm për numrin e viktimave të shënuara si pasojë e virusit?
Nënat shqiptare vendosin rekordin në Europë, kujdesen më shumë se kudo tjetër për fëmijet e tyre/ Numri i grave të papuna rritet

Data 10 Dhjetor festohet në të gjithë botën si Dita Ndërkombëtare për të Drejatve të Njeriut.  Ajo u vendos në shenjë nderimi të miratimit të Deklaratës Universale për të Drejtat e Njeriut më 1948 nga Asambleja e Përgjithshme e OKB-së.  Festimi i kësaj dite formalisht e ka pikënisjen që në 1950, me nismën e Asamblesë nëpërmjet Rezolutës 423, ku kjo ditë do të caktohej si Dita Ndërkombëtare e të Drejtave të Njeriut.

Me 48 vota pro për miratimin e Deklaratës Universale të të Drejtave të Njeriut, përveç hartimit të një akti formal, u bë edhe vendosja e një standardi të përbashkët për këto të drejta për të gjithë njerëzit dhe për të gjitha shtetet.

Me zhvillimet e pas-luftës  së Parë Botërore u bënë përpjekje me për të arritur një mirëkuptim në nivel ndërkombëtar për njohjen e këtyre të drejtave dhe mbarëvajtjen e paqes botërore. Lufta e Dytë Botërore tregoi qartë që kjo nismë nuk pati suskes dhe si rezultat u themelua një organizatë e re ndërkombëtare që do të vendoste si pikë kyçe në axhendën e saj mbrojtjen e të drejtave të njeriut.  Kjo është edhe një ndër arritjet më të mëdha të OKB-së.

Megjithatë Deklarata Universale e të Drejtave të njeriut nuk është e detyrueshme për shtetet që e kanë ratifikuar atë, ajo i ka hapur rrugë thuajse 60 instrumentave të tjerë ndërkombëtare për të drejtat e njeriut, që së bashku përbëjnë standartin ndërkombëtar.  Kjo Delaratë i thërret shtetet, shoqërinë dhe çdo individ që të punojnë në mënyrë progresive për të garantuar dhe monitoruar respektimin dhe aplikimin e të drejtave të tyre.

Si garanci për mbrojtjen e këtyre të drejtave u formua edhe Gjykata e të Drejtave të Njeriut në Strasburg, ku individët mund të dërgojnë çështje nëse shtetet palë të Konventës kanë shkelur të drejtat e tyre. Vendimet e kësaj Gjykate janë të detyrueshme për t`u ekzekutuar nga Palët e Larta Kontraktuese dhe monitorohen nga Komiteti i Ministrave të Këshillit të Europës.

 

COMMENTS

WORDPRESS: 0