Taksë kufiri 10 Euro për person vetëm në aeroport

Taksë kufiri 10 Euro për person vetëm në aeroport

Tarifat e pasagjerëve bëjnë që një biletë të nisë nga 26 Euro  Çdo pasagjer që udhëton në aeroportin e Rinasit paguan një taksë kufiri me vlerë 10 eu

Meksikë/ Reforma arsimit kundërshtohet nga mësuesit
Mbetjet urbane në Berat, ndërtimet pa kriter kanë sjellë kaos
SOT DITA BOTËRORE E TË MOSHUARVE
Tarifat e pasagjerëve bëjnë që një biletë të nisë nga 26 Euro
 Çdo pasagjer që udhëton në aeroportin e Rinasit paguan një taksë kufiri me vlerë 10 euro, tarifë kjo e vendosur nga qeveria dhe që ende dhe sot zbatohet në aeroport.Taksa e kalimit të kufirit nuk paguhet në asnjë pikë tjetër kufitare përveç asaj të Rinasit. Në çdo biletë që paguajmë, automatikisht kompanitë e fluturimit llogaritin në çmimin e saj edhe këtë taksë.

Nga e gjithë shuma që vilet, koncesionari i Rinasit arkëton 5% të saj si agjent tatimor që e mbledh tarifën.

Gjatë vitit 2017, përmes aeroportit të Rinasit udhëtuan 2.6 milionë pasagjerë, ndërsa vetëm nga taksa e kufirit u mblodhën 11.5 milionë Euro, 575 mijë Euro nga të cilat shkuan në buxhetin e koncesionarit.

Përveç taksës së kufirit, aeroporti u vjel qytetarëve edhe tarifën e pasagjerëve prej 12.5 Eurosh për person dhe atë të sigurisë me vlerë 4 Euro për një kalim.

Të dyja këto shkojnë në buxhetin e koncesionarit, ndërsa Autoritetit të Aviacionit Civil i transferohet vetëm 1 Euro nga tarifa e sigurisë.

Në total, vetëm taksat e një pasagjeri për një kalim bën që çmimi i një bilete të nisë nga 26 Euro, pa llogaritur këtu edhe tarifat 2 deri në 3 herë më të larta se rajoni që u vihen kompanive të fluturimit.

Gjatë vitit që shkoi, kompania që operon në aeroportin e vetëm në Shqipëri arriti të arkëtojë 17.5 milionë Euro fitim neto, nga 14 milionë Euro që ishin fitimet në 2016-ën.

COMMENTS

WORDPRESS: 0