Invalid dhe pa ndihmë ekonomike…

Mark Deti është nga Mirdita. Është ngritur që në katër të mëngjesit për të mbërritur sa më shpejt në Durrës me shpresën se ecejaket e tij zyrave t

Patentat e reja/ Qytetarët 2 muaj në pritje: Mungojnë kartonat
52 vit luftë për të jetuar, për tu shkolluar dhe për t`ja dalë mbanë me dinjitet.
“Një popull jo gjithmonë mund ta vrasësh me armë ose me pushtim, pasi mund ta vrasësh edhe me ushqim”.

Rezultate imazhesh për i verber

Mark Deti është nga Mirdita. Është ngritur që në katër të mëngjesit për të mbërritur sa më shpejt në Durrës me shpresën se ecejaket e tij zyrave të shtetit do të përfundojnë e do të mund të marrë sërish ndihmën sociale për familjen e tij në nevojë.

Këtë herë ka vendosur t’i drejtohet gjykatës për zgjidhjen e hallit të tij. Që nga janari i këtij viti është hequr nga skema e ndihmës sociale, pasi rezulton të ketë në pronësi një automjet, të cilin e ka shitur që në vitin 2015 në Durrës.

Marku është person me aftësi të kufizuara, 63 vjeç dhe i papunë, me dy fëmijë të mitur. Prej muajsh nuk i ka reshtur ecejaket nëpër zyra ndërsa në dorë shtrëngon të vetmin dokument zyrtar, kontratën e shitblerjes së automjetit 3 vite më parë , një dokument i pavlefshëm për aq kohë sa blerësi nuk ka bërë kalimin zyrtar të pronësisë së mjetit.

“Kam qenë në ministri, në polici e ata më thojnë shko në gjykatë. Më kanë nxjerrë nga skema që për vit të ri. Po figuroj pronar, me makinë. Kam kujtuar se noteri është shtet po atë nuk e njifka kërkush. Çfarë të bëj nuk e di?! Kam 5 fëmijë, po dy janë të mitur, 14 dhe 10 vjeç…”, u shpreh Mark Deti.

Në prokurori e drejtojnë në gjykatë ndërsa zyra e informacionit i këshillon të ngrejë një padi. Në pamundësi për të paguar një avokat Marku i drejtohet zyrës për ndihmë ligjore falas për të zgjidhur problemin e tij, që konstaton thjesht në kalimin e pronësisë te zotëruesi faktik i mjetit.
“Jam invalid e s’mund të paguaj. Personi me të cilin kam konflikt është nga Durrësi. E kam shit makinën që në 2015-n. Nuk rri në Durrës. Kam aktin noterial në xhep. Kam fëmijë në shtëpi që duan të hanë… Nuk kam proces gjyqësor”, tregon ai.

Pasi ka komunikuar dhe me juristen e zyrës, ai duhet të drejtohet në një tjetër zyrë për të bërë ankesën e tij.

 

COMMENTS

WORDPRESS: 0