​Përse (s)votuam ???

​Përse (s)votuam ???

Nga Armend Pire Kur kanë ngelur edhe më pak se gjysma e kutive të numërimit, nga zgjedhjet parlamentare të ditës së djeshme, ende vijonë të qarkullojë

Avokati Popullit/ Policia Bashkiake Tiranë tejkalon kompetencat me sekuestrimin e mjeteve e mallrave qytetarëve.
Skadimi i pasaportave; Askush nuk lejohet të dalë jashtë vendit në 3 muajt e fundit
Marrëveshja/ Lajm i mirë për emigrantët, Greqia njeh patentat shqiptare

Nga Armend Pire
Kur kanë ngelur edhe më pak se gjysma e kutive të numërimit, nga zgjedhjet parlamentare të ditës së djeshme, ende vijonë të qarkullojë dilema e pjesmarrjes së  votuesve. 25 Qeshori ishte dita e shqiptarëve për të zgjedhur elitën drejtuese të vendit të tyre por si duket kjo ditë nuk u shfrytëzua maksimalisht nga ta për të dhënë gjithsecili vullnetin e tij si sovran. Përqindjet (%) ishin të ndryshme që tregonin pjesmarrjen e votuesve. Njëherë 43%, njëherë 45% e njëherë 47%. Përpos këtyre shifrave një fakt i padiskutueshëm është se shqiptarët, pjesa më e madhe e tyre, vendosën të heshtin. Vendosën që atë proces votimi ta ndiqnin nga ekrani i televizionit. Vendosën që votën e tyre ta abstenonin duke mos marrë asnjë përgjegjësi zgjedhore.
 Përse s’votuan shqiptarët? 

Komisioni Qendror i Zgjedhjeve (KQZ) si dhe partitë politike u munduan ta justifikonin këtë mospjesmarrje duke e lidhur me temperaturatë e larta të asaj dite, ndonëse procesi i votimit kishte një afat 12 orësh (plus 60 minuata të shtuara në minutat e fundit). U munduan ta justifikonin me festën e shenjtë të Ramazanit, ndonëse kjo festë të lejonë të shkëputesh një pjesë të ditës për të kryer edhe obligimin tënd si votues. Një sërë justifikimesh pasuan njera-tjetrën, një sërë thirrjesh për pjesmarrje pasuan njera-tjetrën, megjithatë sërish shifrat lëvizën fare pak. Atë ditë dëgjova qytetarë të ndryshëm që shpreheshin, “e çfarë do ndryshojë vota ime kur ata (politikanët) e kanë rregulluar me njëri-tjetrin?”. Diku më tutje një i moshuar thoshte se, “po kujt t’ja jap votën, i kemi provuar të gjithë, është e kotë”. Pakënaqësit rreshtoheshin përbri njera-tjetrës, ndërsa shqiptarët bluanin në kokë, të shkoj a të mos shkoj, kjo ishte dhe vet çështja. Nuk ka sesi ta justifikojnë mosvotimin e afro 2 milion shqiptarëve kushtet e vështira të motit, nuk kanë sesi ta justifikojnë as kremtimet e asaj dite si nuk kanë as sesi ta justifikojnë arsyet artificiale të asaj dite. Shqiptarët heshtën, heshtën përballë gjendjes së tyre ekonomike, politike e asaj sociale. Heshtën sepse vota këtë vit për ta nuk kishte vlerë. Heshtën sepse partitë politike atyre nuk i dhanë besimin e duhur se Shqipëria do të ndryshojë. Votuan administratat, votuan militantët, votuan simpatizantët, votuan “të shiturit”, por shqiptarët heshtën. Arsyeja e vërtetë gjendet më mirë thellë tyre. Disa e shprehin, disa e fshehin e disa nuk e kanë një të tillë. Procesi po shkon drejt përfundimit dhe rezultati tashmë është mëuar paraprakisht. 4 vite të tjera qeverisëse u vendosën nën drejtimin e kujt. Tanimë u mbetet të heshtin edhe për 4 vite të tjera siç heshtën atë ditë (dje). U mbetet që për vitet të cilat nuk vendosën të zgjidhnin të qendrojnë po nën heshtje. U mbetet vetëm të presin, jetojnë e durojnë në heshtje deri në zgjedhjet e ardhëshme parlamentare 2021.
Ku po shkon vallë Shqipëria dhe shqiptarët me këtë heshtje ??

COMMENTS

WORDPRESS: 0